ომანის ყურეში, ნორვეგიული ტანკერი Front Altair-ი, რომელსაც აალებადი ნივთიერება ნაფთა (დამუშავებული წყალბადი) გადაჰქონდა აფეთქდა. ირანის საზღვაო ძალებმა 21 მეზღვაურის ევაკუაცია დროულად მოახდინა, ნაწილი კი ამერიკის საზღვაო ძალების წყალობით გადარჩა.
საქართველოს ერთი, რუსეთის 11 და ამდენივე ფილიპინების მოქალაქე იმყოფებოდა ტანკერ Front Altair-ის ბორტზე. ამის შესახებ გემთმფლობელი კომპანიის წარმომადგენელმა პეტ ადამსონმა განაცხადა. მისი თქმით, ყველა მეზღვაური ევაკუირებულია და უსაფრთხო ადგილზე იმყოფება.
ყველაზე დატვირთულ ყურეში, ტანკერის აფეთქების მიზეზი ჯერჯერობით უცნობია.
ირანის წარმომადგენელმა BBC-თან საუბარში აღნიშნა, რომ ირანს მომხდართან კავშირი არ აქვს.
„ვიღაც ცდილობს ირანისა და საერთაშორისო საზოგადოების ურთიერთობების დესტაბილიზაციას“,- აღნიშნა ირანელმა მაღალჩინოსანმა ჟურნალისტთან საუბარში.
მომხდარზე პასუხისმგებლობა ჯერჯერობით არცერთ ორგანიზაციას აუღია.