უკრაინაში გრიპის ეპიდემიის მიუხედავად საბავშვო "ევროვიზია 2009" არ გადაიდება და ის დათქმულ დროს _ 16-დან 21 ნოემბრამდე გაიმართება. შესაბამისი გადაწყვეტილება უკრაინის მინისტრთა საბჭომ მიიღო.
კონკურსის აღმასრულებელი დირექტორის რუსლან ტკაჩენკოს განცხადებით, ქვეყნის ჯანდაცვის სამინისტრო ამჟამად მუშაობს რეკომენდაციებზე კონკურსის გამართვასთან დაკავშირებთ, რომელშიც მითითებული იქნება რა უნდა გააკეთონ ბავშვებმა და მათმა თანმხლებმა პირებმა, რათა მინიმალურად შემცრდეს დაავადების რისკი.
"ეს რეკომენდაციები გაეგზავნება ყველა დელეგაციას, რომელიც კიევში კონკურსში მონაწილეობისათვის აპირებს ჩასვლას" - განაცხადა ტკაჩენკომ.
თავის მხრივ, უკრაინის მთავრობაში აღნიშნავენ, რომ მზადება კონკურსისათვის არ შემწყდარა და სამუშაოების 90 პროცენტი დასრულებულია.
ამჟამად კიევის სპორტის სასახლეში საკონკურსო ტექნიკის დამონტაჟება მიმდინარეობს.
უნდა აღინიშნოს, რომ ამ დრომე საბავშვო ევროვიზიის არცერთ მონაწილეს კონკურსში მონაწილეობაზე ოფიციალური უარი არ განუცხადებია.