"ქრისტიან-დემოკრატები" დღეს წითელი ჯვრის წარმომადგენლებს შეხვდებიან.
როგორც პარტიის ლიდერმა გიორგი თარგამაძემ ჟურნალისტებს განუცხადა, ისინი სოფელ ტირძნისიდან გატაცებული მოზარდების მდგომარეობის შესახებ ინფორმაციას უშუალოდ ამ ორგანიზაციისგან მოისმენენ. შეგახსენებთ, რომ წითელი ჯვარი ერთადერთი ორგანიზაციაა, რომელიც ცხინვალის მარიონეტული რეჟიმის მიერ კონტროლირებად ტერიტორიაზეც შედის და რომლის წარმომადგენლებმაც ქართველი არასრულწლოვნები მოინახულეს.
"მოგეხსენებათ, ეს ერთადერთი ორგანიზაციაა, რომელსაც აქვს უფლება შეხვდეს ბავშვებს, ესაუბროს მათ, გადასცეს გარკვეული ნივთები და მათგან ინფორმაცია წამოიღოს. ამიტომ, გადავწყვიტე პირადად შევხვედროდი ორგანიზაციის წარმომადგენლებს, რათა მათგან მივიღო, როგორც ინფორმაცია, ისე გარკვეული მოსაზრებები გავაცნო იმასთან დაკავშირებით, როგორც შეგვიძლია ბავშვებს თბილისიდან დავეხმაროთ", - განაცხადა თარგამაძემ.
