მოძრაობა ერთიანი საქართველოსთვის ლიდერი ეკა ბესელია აცხადებს, რომ საქართველოს მოსახლეობის დიდი ნაწილი სიღარიბის ზღვარს მიღმა ცხოვრობს.
როგორც ბესელიამ "დემოკრატიული მოძრაობა _ ერთიანი საქართველოს" მიერ სოციალური პროგრამის პრეზენტაციაზე განაცხადა, სოციალურ სფეროსთან დაკავშირებით ოპოზიციის თანამშრომლობა მნიშვნელოვანია.
"ბოლო პერიოდში ჩატარებული ყველა კვლევა ადასტურებს, რომ მოსახლეობის უდიდეს ნაწილს სოციალური პრობლემები აწუხებს. 600 ათასი ადამიანი რომ სიღარიბის ზღვარს ქვემოთ არის, ნიშნავს იმას, რომ საქართველოს მოსახლეობის უდიდესი ნაწილი მძიმე სოციალურ პირობებში ცხოვრობს. საჭიროა ამ მხრივ თანამშრომლობა, ექსპერტების ჩართვა, რათა ხელისუფლების შეცვლის შემდეგ გვქონდეს კონკრეტული სამოქმედო გეგმა ამ მიმართულებით", _ განაცხადა ბესელიამ.