რუსეთის საგარეო საქმეთა მინისტრის მოადგილე გრიგორი კარასინი გაზეთ "იზვესტიისთვის" მიცემულ ინტერვიუში აცხადებს, რომ ჟენევის მოლაპარაკებათა მთავარი პრიორიტეტი საქართველოსთვის იურიდიულად სავალდებულო ძალის გამოუყენებლობის შესახებ დოკუმენტზე ხელის მოწერაა.
"ჟენევის მთავარი პრიორიტეტი საქართველოს ვალდებულებების იურიდიულად გამყარებაა, რაც ძალის გამოუყენებლობის შესახებ დოკუმენტის ხელის მოწერაში უნდა გამოიხატოს. ამასთან, პრონციულად მნიშვნელოვანია, რომ ეს დოკუმენტი ხელმოწერილი ან მოწონებული იქნეს ერთი მხრივ საქართველოს, ხოლო მეორე მხრივ _ აფხაზეთისა და სამხრეთ ოსეთის მიერ", _ აცხადებს კარასინი და დასძენს: "ალბათ, ყველამ არ იცის, ის, რომ დიმიტრი მედვედევისა და ნიკოლა სარკოზის მიერ ხელმოწერილი დოკუმენტი, თბილისის ცალმხრივი უარის ფონზე, შეასრულოს ცეცხლის შეწყვეტისა და ძალთა დაშორიშორების პირობები, გახდა ერთადერთი ლეგიტიმური ბაზა კავკასიაში უსაფრთხოების გარანტიების შექმნის შესახებ და ეს თვითნებურად გადაწერა ქართველმა ლიდერმა საქართველოს ინტერესების სასარგებლოდ. ტექსტი, რომელსაც რუსეთისა და საფრანგეთის პრეზიდენტებმა მოაწერეს ხელი, მთელი არსებით განსხვავდება იმ ფურცლისაგან, რომელიც ვიზირებულია სააკაშვილის მიერ".
"სწორედ ამიტომაც ისმის პერიოდულად მოწოდებები რუსული მხარის მიერ "სრულად" შეასრულოს მედევდევისა და სარკოზის შარშანდელი შეთანხმება. ჩვენ საკითხის ასეთი დაყენება არ ხელს არ გვაძლევს. ჩვენი ვალდებულებები სრულად შევასრულეთ 9-დან 10 აგვისტოს ღამეს, როდესაც უკანასკნელმა რუსმა ჯარისკაცმა დატოვა საქართველოს ტერიტორია, იმ დროისთვის ახალ საზღვრებში", _ აცხადებს კარასინი.
რუსეთის საგარეო საქმეთა მინისტრი ასევე აცხადებს, რომ ჟენევის საერთაშორისო მოლაპარაკებებს პერსპექტივა აქვს და ისინი პირდაპირ არიან დამოკიდებულნი ყველა მონაწილეთა, მათ შორის თბილისის, მზადყოფნაზე მოძებნილ იქნეს კომპრომისები და ურთიერთხელსაყრელი გადაწყვეტილებები, რომლებსაც ყველა მხარე პატივს სცემს _ პირველ ყოვლისა კი აფხაზები და ოსები.
"რუსულმა მხარემ კი თავისი რეალური მუშაობა და მზადყოფნა გადაწყვიტოს ყველა პრაქტიკული საკითხი უსაფრთხოებისა და ჰუმანიტარულ სფეროში უკვე დაადასტურა", _ განაცხადა მან.