მეუღლის პოზიცია არ იქნება წინაღობა, ვიყო დამოუკიდებელი და ობიექტური სახალხო დამცველი, - განაცხადა სახალხო დამცველობის კანდიდატმა ნინა ხატისკაცმა "რუსთავი-2"-თან საუბარში და აღნიშნა, რომ სახალხო დამცველის თანამდებობა დიდი პასუხისმგებლობაა
"უმრავლესობამ თავისი გადაწყვეტილებით და ჩემი კანდიდატურის შერჩევით აღიარა, რომ ის ეძებს პროფესიონალ, მიუკერძოებელ და დამოუკიდებელ კანდიდატს სახალხო დამცველის კანდიდატურაზე", _ განაცხადა ხატისკაცმა.
მისი განცხადებით, მეუღლის პოზიცია, რომელიც "ქართული ოცნების" მხარდამჭერია, არ იქნება წინაღობა, იყოს დამოუკიდებელი და ობიექტური სახალხო დამცველი.
"ჩემი ქმარი არ არის "ქართული ოცნების" წევრი, შტაბის ხელმძღვანელი. ის იყო "ქართული ოცნების" აქტივისტი, გვერდში ედგა და ჩაბმული იყო თავისი მეგობრის კამპანიაში, რომელიც მაჟორიტარი დეპუტატობის კანდიდატი და ახლა მაჟორიტარია", - განაცხადა ხატისკაცმა.
შეგახსენებთ, რომ უმრავლესობამ სახალხო დამცველის პოსტზე ნინა ხატისკაცი წარადგინა.
