ქართული მხარე რუსეთისგან საპასუხო განცხადებას ელოდება - განუცხადა ჟურნალისტებს მთავრობის სხდომის დაწყებამდე პრემიერ-მინისტრის წარმომადგენელმა რუსეთის ფედერაციაში ზურაბ აბაშიძემ. მისი თქმით, მას შემდეგ რაც ქართული მხარისგან გაკეთდა ოფიციალური განცხადება, ახლა საქართველო რუსეთისგან ოფიციალურ განცხადებას ელოდება.
"რუსეთს მოლაპარკებების დაწყებასთან დაკავშირებით "ოფიციალური განცხადება მ დრომდე არ გაუკეთებია. განცხადება მხოლოდ საგარეო საქმეთა მინისტრის მოადგილემ გრიგორი კარასინმა გააკეთა რომელმაც ზურაბ აბაშიძეზე ისაუბრა და არა იმ ფუნქიებსა და ხედვებზე, რასაც ზურაბ აბაშიძის თანამდებობა ითვალისიწინებს",- განაცხადა აბაშიძემ.
შეგახსენებთ, რომ პრემიერ-მინისტრმა თავის სპეციალურ წარმომადგენლად რუსეთის ფედერაციაში ზურაბ აბაშიძე დანიშნა. ბიძინა ივანიშვილის თქმით, აბაშიძე გამოცდილი დიპლომატია და კარგი კავშირები აქვს რუსეთთან. ივანიშვილი იმედს გამოთქვამს, რომ ქართული მხარის მიერ გადადგმულ ამ ნაბიჯს რუსეთის მხრიდან საპასუხო ნაბიჯები მოჰყვება. როგორც პრემიერმა განაცხადა, პირველ რიგში სავაჭრო და კულტურული ურთიერთობები აღდგება, რის შემდეგაც დიპლომატიური ურთიერთობის აღდგენა დაიწყება. ექსპერტების შეფასებით, აბაშიძე კარგი დიპლომატია და რუსეთთან ვაჭრობისა და კომუნიკაციების საკითხების დარეგულირებას შეძლებს.
"საქართველოს სპეციალურ წარმომადგენელს რუსეთის ფედერაციაში კარგად იცნობენ მოსკოვში", - ეს განცხადება რუსეთის საგარეო საქმეთა მინისტრის მოადგილემ გრიგორი კარასინმა რუსულ მედიასთან საუბარში გააკეთა.
"შემიძლია მხოლოდ ერთი რამ ვთქვა: ჩვენ ზურაბ აბაშიძეს კარგად ვიცნობთ, როგორც საქართველოს ყოფილ ელჩს რუსეთში ასევე გამოცდილ ადამიანსა და დიპლომატს. მას არაერთგზის შევხვდერივართ ბოლო წლების განმავლობაშიც", - განაცხადა კარასინმა.
