სახალხო დამცველი გიორგი ტუღუში სასჯელაღსრულების, პრობაციისა და იურიდიული დახმარების საკითხთა მინისტრს ხათუნა კალმხალიძეს რეკომენდაციით მიმართავს და მე-18 სამკურნალო დაწესებულებაში მოთავსებული 15 წლის შეზღუდული შესაძლებლობების მქონე ბრალდებულის ს. სარდარიანის შესაბამისი პროფილის დაწესებულებაში განთავსებისკენ მოუწოდებს.
სახალხო დამცველი მოუწოდებს მინისტრს არასრულწლოვანი ს. სარდარიანის სრულწლოვანი პატიმრებისგან განცალკევებით ყოფნა უზრუნველყოს, სადაც მისი ყველა საჭიროება დაკმაყოფილებული იქნება.
შეგახსენებთ: 2012 წლის 30 მაისს, საქართველოს სახალხო დამცველის წარმომადგენელი შეხვდა და გაესაუბრა 15 წლის შეზღუდული შესაძლებლობების მქონე ბრალდებულ ს. სარდარიანს, რომელიც მოთავსებულია #18 სამკურნალო დაწესებულებაში.