ლატვიის აღმოსავლეთ ნაწილში სარკინიგზო ლიანდაგის დაზიანების გამო 16-ცისტერნიანი სატვირთო მატარებელი ლიანდაგიდან გადავიდა. მატარებელს ქიმიური სითხე გადაჰქონდა. ავარიის შედეგად სამი ცისტერნა დაზიანდა და სითხე დაიღვარა. ინფორმაციას ამის შესახებ ლატვიის სახანძრო-სამაშველო სამსახურის პრესსამსახური ავრცელებს.
მატარებელი ბელარუსიდან ლატვიის საპორტო ქალაქ ვენტსპილსში მიემართებოდა. დაბინძურების ფართობი 4 ათას კვადრატული მეტრია. დაღვრილი სითხის მოცულობა 180 ტონაა და თუკი ავარიის შედეგების ლიკვიდირება დროულად არ მოხდა გარემოს შესაძლოა სერიოზული საფრთხე შეექმნას. ამჟამად მაშველები ყოველივე მომხდარის განეიტრალიზებას ცდილობენ. აღნიშნული ინციდენტის შედეგად არავინ დაშავებულა.