საერთაშორისო ექსპერტებმა მსოფლიოში ფრენის უსაფრთხოების კუთხით 2011 წელი შეაჯამეს. სტატისტიკის მიხედვით ირკვევა, რომ 2011 წელს 28 ავიაკატასტროფა მოხდა, რომლის დროსაც ჰაერში 507 ადამიანი დაიღუპა, ხოლო ხომალდების მიწაზე დაცემისას კი 14 ადამიანი გარდაიცვალა.
ამის მიუხედავად 2011 წელი მსოფლიო ავიაციისთვის ერთ-ერთი ყველაზე წარმატებული აღმოჩნდა. 2011 წელი არის მეორე წელი როცა ყველაზე ნაკლები რაოდენობის ადამიანი დაიღუპა და მესამე წელი ავიატრაგედიების კლების თვალსაზრისით.
2011 წელს დაფიქსირდა ყველაზე დიდი შუალედი ავიაკატასტროფებს შორის და ამ დრომ 79 დღე შეადგინა. 2011 წელს ყველაზე მძიმე ავიაკატასტროფა 9 იანვარს დაფიქსირდა, როდესაც ავიაკომპანია Iran Air-ის Boeing 727 ჩამოვარდა. ავიაკატასტროფისას 77 ადამიანი დაიღუპა.
