აშშ-ს მთავრობამ შვეიცარიულ ბანკ Wegelin & Co-ს შესაძლოა ოფიციალური ბრალდება წაუყენოს, რის მიზეზადაც აშშ-ს საგადასახადო ორგანოსა და შვეიცარიულ ბანკს შორის წარმოქნილი კონფლიქტი სახელდება. გავრცელებული ინფორმაციით, ვაშინგტონი მიიჩნევს, რომ Wegelin & Co-მ ამერიკელებს საშუალება მისცა, საბანკო საიდუმლოების გათვალისწინებით, გადასახადების გადახდა აეცილებინათ თავიდან. აღსანიშნავია, რომ ცოტა ხნის უკან ანალოგიური ბრალდება აშშ-ს მთავრობას შვეიცარიული UBS-ის მიამრთაც ქონდა. ბანკისგან აშშ მოითხოვდა იმ კლიენტების ჩამონათვალს, რომლებიც აშშ-ს ხელისუფლებას გადასახადებს უმალავდნენ. საბოლოოდ, აშშ-ს ზეწოლის შედეგად, შვეიცარია დათანხმდა შეეცვალა არსებული კანონმდებლობა საიდუმლო საბანკო ინფორმაციის გაცემის შესახებ.
2010 წლის 15 ივლისს შვეიცარიის პარლამენტმა უფლება მისცა UBS-ს 4500 კლიენტის შესახებ ამერიკისთვის შესაბამისი ინფორმაცია მიეწოდებინა. 2011 წლის ნოემბერში შვეიცარიული Credit Suisse იძულებული იყო აშშ-ს საგადასახადო ორგანოებისთვის საკუთარი კლიენტების შესახებ ამომწურავი ინფორმაცია მიეწოდებინა.
