ჩეჩენ ძალოვნებსა და ბოევიკებს შორის გამართული სასტიკი ბრძოლის შედეგად ორივე მხრიდან არიან გარდაცვლილები და დაჭრილები. ბრძოლა სოფელ ვედენთან ახლოს გაიმართა. ინფორმაციას ამის შესახებ რუსული მედია ავრცელებს.
ჩეჩნეთის მეთაურმა რამზან კადიროვმა ამ დროისათვის განცხადება მხოლოდ 5 დაჭრილის შესახებ გააკეთა. რუსული მედია კი წყაროზე დაყრდნობით წერს, რომ დაღუპულია ოთხი სამართალდამცავი და დაჭრილია 16. მათივე ინფორმაციით გარდაცვლილთაგან სამი შინაგარი ჯარის სამხედრო მოსამსახურეა, ერთი კო პოლიციელი. სხვა და სხვა მონაცემებით, ამ ბრძოლაში გამოყენებულ იქნა როგორც არტილერია ისე ავიაცია.
ამას გარდა, ჩეჩნეთის მეთაური კადიროვი, ასევე აცხადებს, რომ მოკლულია ერთი ბოევიკი, რომლის ცხედარიც ბრძოლის ადგილზე იპოვეს. მისივე თქმით, საბრძოლო ოპერაციას ასევე ართულებს ბუნებრივი პირობები - თოვლი და ნისლი.
ჩეჩნეთის სამართალდამცავ ორგანოებში ასევე აცხადებენ, რომ ეს შეტაკება ყველაზე დიდი იყო ბოლო პერიოდის ყველა შეტაკებასთან შედარებით. დაუდასტურებელი ინფორმაციით, ბრძოლა და შემდეგ უკვე ბოევიკების დევნა რამდენიმე საათის განმავლობაში მიმდინარეობდა.
