დღეს, 9 იანვარს, აშშ-საქართველოს ქარტიის ხელმოწერიდან 3 წელი შესრულდა. ამერიკის შეერთებული შტატები - საქართველოს ქარტია სტრატეგიული პარტნიორობის შესახებ არის ამერიკის შეერთებული შტატებისა და საქართველოს ერთობლივი, არასავალდებულო ხასიათის ქარტია, რომელიც ორ ქვეყანას შორის თანამშრომლობის მიმართულებებს განსაზღვრავს და საქართველოს ნატოში მისწრაფებისადმი და ტერიტორიული მთლიანობის მიმართ აშშ-ის მხარდაჭერას ადასტურებს.
ქარტია გაფორმდა ვაშინგტონში, კოლუმბიის ოლქში 2009 წლის 9 იანვარს. ხელს აწერენ: საქართველოს მხრიდან საქართველოს საგარეო საქმეთა მინისტრი გრიგოლ ვაშაძე, ხოლო აშშ-ის მხრიდან აშშ-ის სახელმწიფო მდივანი კონდოლიზა რაისი.