საქართველოს რეგიონებში კიდევ 333 ინფრასტრუქტურული პროექტი განხორციელდება. ამის შესახებ პრეზიდენტის პრესსპიკერმა მანანა მანჯგალაძემ დღეს გამართულ ბრიფინგზე განაცხადა. მისი თქმით, სამუშაოების ჩასატარებლად სახელმწიფო ბიუჯეტიდან გამოყოფილია 60 მილიონი ლარი.
"რეგიონებში განსახორციელებელი პროექტებისთვის 60 მილიონი ლარია გამოყოფილი. ეს თანხა ყველა რეგიონისთვის არის განკუთვნილი და ყველა რაიონის ინფრასტრუქტურულ პროექტებს შეეხება. ეს თანხა დაიხარჯება წყლის, საკანალიზაციო სისტემების, სარწყავი არხების, მრავალბინიანი სახლების, სანიაღვრე არხების, ხიდების და გარეგანათების რეაბილიტირებისთვის. სულ იგეგმება 333 ინფრასტრუქტურული პროექტის განხორციელება", - განაცხადა მანჯგალაძემ.
მისი თქმით, ეს ყველაფერი ნიშნავს იმას, რომ თითოეულ რეგიონში ამ პროექტების ამოქმედებით ასობით ახალი სამუშაო ადგილი გაჩნდება.