სახელმწიფო საწარმო ,,საერთაშორისო აეროპორტი „ბორისპოლმა" 2011 წლის იანვარ-მარტის მონაცემებით მგზავრთნაკადი, 2010 წლის ანალოგიურ პერიოდთან შედარებით - 1,424 მილიონ ადამიანამდე, 25 %-ით გაზარდა. როგორც სააგენტო ,,ინტერფაქს-უკრაინას" აეროპორტის პრეს-სამსახურიდან აცნობეს, რეისების რაოდენობა პირველ კვარტალში 23%-ით გაიზარდა.
შეგახსენებთ, რომ ,,ბორისპოლი" წარმოადგენს უკრაინის უმსხვილეს აეროპორტს, რომლის საერთო ფართობი 1000 ჰექტარია. დაწესებულებას აქვს ორი ასაფრენ-დასაფრენი ბილიკი, ერთი - 4000 მეტრი სიგრძისა და 60 მეტრი სიგანის, მეორე - 3500 მეტრი სიგრძისა და 63 მეტრი სიგანის. აეროპორტის ტერიტორიაზე განლაგებულია მგზავრთა 4 ტერმინალი და საფოსტო-სატვირთო კომპლექსი.
