მარტში, აზერბაიჯანმა 2 მილიარდი კვტ/სთ ელექტროენერეგია გამოიმუშავა, რაც 5,3 %-ით აღემატება თებერვლის მონაცემებს და 17,6%-ით გასული წლის ანალოგიური თვის მონაცემებს.
როგორც ინტერნეტ პორტალი „აპა" სს ,,აზენერჯიზე" დაყრდნობით იტყობინება, აქედან 1,8 მლრდ. კვტ/სთ გამომუშავებული ელექტროენერგია თბოელექტროსადგურებზე, 0,2 მლრდ. კვტ/სთ ელექტროენერგია კი ჰიდროელექტროსადგურებზე მოდის.
„აზენერჯის" ინფორმაციით, მარტში, წინა თვეების მსგავსად, ელექტროენერგიის გაცვლა გრძელდებოდა მეზობელ ქვეყნებთან: რუსეთთან, ირანთან, თურქეთთან და საქართველოსთან.
2011 წლის პირველ კვარტალში აზერბაიჯანში წარმოებული იყო 5,6 მილიარდი კვტ/სთ ელექტროენერგია, რაც 60 % ით აღემატება გასული წლის ანალოგიური პერიოდის მონაცემებს. პირველ კვარტალში გამომუშავებული ელექტროენერგიიდან, 5,1 მილიარდ კვტ/სთ თბოელექტროსადგურების, ხოლო 0,5 მლრდ. კვტ/სთ ჰიდროელექტროსადგურების მიერ იყო წარმოებული.
მასალის გამოყენების პირობები