„გვაქვს ახალი ნაყინი „კრებ ბრულე", რომელიც მოხარშული რძისგან მზადდება. გასულ წელთან შედარებით ნაყინის ფასი 8-10 თეთრით გაიზარდა. ჭიქის ნაყინი 50 თეთრი ღირს, „კრებ ბრულე" - 60 თეთრი, „ქებული", „ჯოკერი", „თავადური" და „ქეში" - 65 თეთრი. სეზონზე 100-120 ადამიანი გვყვავს დასაქმებული. საშუალო ხელფასი 200-300 ლარია. როგორც კი ამინდი გაუმჯობესდება, სრული დატვირთვით ავმუშავდებით და გურჯაანის ნაყინს სარეალიზაციოდ საქართველოს ყველა რეგიონში შევიტანთ", - განაცხადა გურამ ბერიკაშვილმა.

2008 წელს „ქართული ბრენდის დღეზე" „გურჯაანის ნაყინმა" „ლიდერის" ნომინაციაში გაიმარჯვა. კომპანია საქველმოქმედო საქმიანობასაც ეწევა. 2003 წელს სპეციალურად მიუსაფარი ბავშვებისთვის შეიქმნა პროექტი სახელწოდებით „ნაყინების თაიგული ბავშვებს", რომელიც ყოველ წელს, ტრადიციულად, თბილისსა და ბათუმში ტარდება. გარდა ამისა, კომპანიის დირექტორი არაერთ საქველმქომედო აქციაში მონაწილეობს და ბევრ გაჭირვებულ ოჯახს ეხმარება.