უახლოეს მომავალში საქართველო საჰაერო მიმოსვლას კიდევ ორ ქვეყანასთან დაიწყებს.
როგორც პრემიერ-მინისტრმა ნიკა გილაურმა სამთავრობო დებატებისას, პარლამენტში სიტყვით გამოსვლისას განაცხადა, ეს ქვეყნები ყატარი და ჩინეთი არიან.
"ჩვენი მიზანია, რაც შეიძლება მეტ ქვეყანას დავუკავშირდეთ პირდაპირი მიმოსვლით და რაც შეიძლება უფრო იაფი ავიახაზები შემოვიყვანოთ. უახლოეს მომავალში გავხსნით მიმართულებებს ყატარისა და ჩინეთის მიმართულებით", - აღნიშნა გილაურმა.
მისივე თქმით, მთავრობის მიზანია, რომ "რაც შეიძლება ინტენსიური ფრენები გვქონდეს მეზობელ ქვეყნებთან და ახალ ქვეყნებზეც გავიდეთ".
