საქართველოს მთავრობა 2011 წლის დასრულებას მნიშვნელოვანი ეკონომიკური ზრდით ვარაუდობს.
"მინდა გითხრათ, რომ სტატისტიკა და მაკროეკონომიკური ციფრები საკმაოდ დამაიმედებელია. იანვარში ეკონომიკა 9 პროცენტით გაიზარდა. იანვარ- თებერვალში კი, ჯამში 6-7 პროცენტიანი ზრდა გვაქვს", - განაცხადა პრემიერ-მინისტრმა ნიკა გილაურმა პარლამენტში, სამთავრობო დებატების ფარგლებში სიტყვით გამოსვლისას.
ამასთან, მისივე ინფორმაციით, მიმდინარე წელს გაზრდილია ექსპორტ-იმპორტისა და შესაბამისად, მოხმარების მოცულობაც.
"ექსპორტი 25 პროცენტითაა გაზრდილი. გაზიარდა იმპორტიც და შესაბამისად მოხმარებაც 30 პროცენტით. საბანკო დეპოზიტები 38 პროცენტით გაიზარდა, ტვირთის გადაზიდვა 12 პროცენტით. ჯამში, შეგგვიძლია უკვე ვთქვათ, რომ 2011 წლის ეკონომიკის ზრდა იქნება იმაზე უფრო მეტი, ვიდრე ჩვენ ბიუჯეტში გვაქვს გათვალისწინებული. (დღევანდელ ბიუჯეტში, რომელიც პარლამენტმა დაამტკიცა 4,5 პროცენტიანი ზრდაა ნავარაუდევი, თუმცა შეგვიძლია ვთქვათ, რომ ის იქნება უფრო მაღალი -5-დან 7 პროცენტამდე", - აღნიშნა პრემიერმა.