საქართველოში იმპორტირებული ჩაი უკეთეს შემთხვევაში ერთ წლის და ხშირად 3-4 წლის დაძველებული შემოდის, ამის შესახებ დღეს, აგრარულ საკითხთა კომიტეტის სხდომაზე ჩაის მწარმოებელთა ასოციაციის პრეზიდენტმა თენგიზ სვანიძემ განაცხადა.
მისი თქმით, იმის გამო რომ საქართველოში იმორტირებული ჩაი ერთი წლის დაგვიანებით შემოდის და ამ დროს ჩაის ყველა თვისება დაკარგული აქვს, მას ხელოვნურ საღებავებს უმატებენ, რომ ფერი ჰქონდეს.
"ლაბორატორიული კვლევების შედეგად რამდენიმე სახეობის იმპორტირებულ ჩაიში აღმოჩენილია ხელოვნური საღებავი კოლინი და ობის სოკო", - აღნიშნა სვანიძემ და აქვე დასძინა, რომ ხშირად ტროპიკებში მოყვანილი ჩაი უამრავი დავადები აქვს პარაზიტების და მავნებლების სახით, რომლის წინააღმდეგაც შხამქიმიკატებს იყენებენ, რაც შემდეგ პროდუქციაშიც ხვდება.
აღნიშნულთან დაკავშირებით, აგრარულ საკითხთა კომიტეტის თავმჯდომარემ არჩილ გეგენავამ სოფლის მეურნეობის სამინისტროსგან მოითხოვა იმპორტირებულ ჩაიზე შემადგენლობაში იყოს მითითება რომელ ხელოვნური მინარევებია დამატებული.
