დღეს, 22 მარტს, 13:00 საათზე სასტუმრო რადიოსონ ბლუ ივერიაში კომპანია ბერტა შვეიცარიულ კომპანია "ჟივოდანისთან" ერთად პარფიუმერიული არომატების პრეზენტაციას გამართავს.
კომპანია ბერტასა და ჟივოდანის პარტნიორობა 2009 წელს დაიწყო, როდესაც ჟივოდანის წარმომადგენლობამ სპეციალური ტრენინგები ჩაატარა ტექნოლოგიური და მარკეტინგის დეპარტამენტისათვის.
თანამშრომლობა გრძელვადიანია და ინტენსიური, რადგან კომპანია ბერტასთვის ჟივოდანში მზადდება ექსკლუზიური პარპიუმერიული არომატები, ქართულ ხილსა და მცენარეებზე დამზადებული.
კომპანია "ჟივოდანი" 1796 წელს დაარსდა შვეიცარიაში და დღემდე ინარჩუნებს მსოფლიო ლიდერის პოზიციას პარფიუმერიისა და არომატების წარმოებაში.
ჟივოდანი აწარმოებს პარფიუმერიულ არომატებს,სუნამოებისთვის, შამპუნებისთვის, საპნებისთვის, საბავშვო პროდუქტებისთვის.