"ფოთის გაფორმების ეკონომიკური ზონის" დღეს გაიხსნება, რომელსაც საქართველოს პრეზიდენტიც დაესწრება. ფოთის გაფორმების ეკონომიკური ზონა (გეზი) 9 ჰექტარზეა გაშენებული. სპეციალურად დაგეგმარებული ავტოსადგომი 650 სატვირთო ავტომანქანაზეა გათვლილი.
გეზში ერთდროულიად ნებისმიერი რაოდენობის იმპორტიორის მომსახურება შესაძლებელი და ის სრული დატვირთვით 24 საათის განმავლობაში იმუშავებს. შემოსავლების სამსახურში აღნიშნავენ, რომ ტვირთის გაფორმებისას, იმპორტიორს აღარ უწევს ძვირადღირებული ბროკერისა და დეკლარატის დაქირავება.
შესაძლებელია იმპორტიორმა დაისვენოს იმ დროს, სანამ მისი ტვირთი გადის გაფორმების პროცედურას. იმპორტიორის სრული ინფორმირება ხდება ერთ ფანჯარასთან, რითაც იგი ზოგავს დროსა და ენერგიას. იმპორტიორს შესაძლებლობა აქვს, ისარგებლოს ექსპერტისა და ტექნიკური პერსონალის მომსახურებით. გეზში ტვირთის გაფორმების საფასურის გადახდა შესაძლებელია 5-დღიანი გადავადებით. ტვირთის გაფორმების სრული პროცედურა აქ რამდენიმე წუთში სრულდება.
გაფორმების ეკონომიკური ზონის შექმნა ახალი ეკონომიკური კურსის ნაწილია, რომელიც ითვალისწინებს სამართლიანი, მარტივი და სანდო საგადასახადო სისტემის შეთავაზებას ბიზნესისთვის. ფოთის გეზის გახსნა ჯერ კიდევ 11 თებერვლისთვის იყო დაანონსებული, თუმცა მისი გახსნა პრეზიდენტ სააკაშვილის პარლამენტში წლიურ გამოსვლის გამო გადაიდო.
შეგახსენებთ, რომ 24 იანვარს ადლიის გაფორმების ეკონომიკური ზონა (გეზი) ოფიციალურად გაიხსნა, ხოლო ლილოს გეზის გახსნა ოფიციალურად 2010 წლის 3 დეკემბერს გაიმართა.