ფინანსთა სამინისტროს მომსახურების სააგენტო ფიზიკური პირების ქონების რეალიზაციას განაგრძობს. სააგენტოს ინფორმაციით, 28 თებერვლისთვის დაგეგმილ ონლაინაუქციონზე აგარაკი და საოფისე ფართი იყიდება.
www.eauction.ge -ზე განთავსებული ინფორმაციის თანახმად ირკვევა, რომ ახალად აშენებული, გარემონტებული და კეთილმოწყობილი აგარაკის საწყისი ღირებულება 250 ათასი ლარი. აგარაკი ოქროყანაში, პირველი მაისის ქუჩა ზე მდებარეობს და მის გასაყიდად ონლაინაუქციონი 28 თებერვლსაა დაგეგმილი.
დღესვე იგეგმება საბურთალოზე, ბუდაპეშტის ქ. # 5ა-ში მდებარე ოთხსართულიანი ახალაშენებული საოფისე ფართი, რომელიც საცხოვრებლადაც გამოდგება. ობიექტის საყწისი ღირებულება 720 ათასი ლარია.
შეგახსენებთ, რომ ფინანსთა სამინისტროს მომსახურების სააგენტომ კერძო პირებისა და კომპანიების ქონების რეალიზაციას უკვე დაიწყო. პირებს, რომლებსაც სურთ საკუთარი ქონება გაასხვისონ, მომსახურების სააგენტო შესაძლებლობას აძლევს, სააგენტოს ვებგვერდი www.eauction.ge გამოიყენონ და მისი საშუალებით საკუთარი ქონების რეალიზაცია ინტერნეტაუქციონისა და ინტერნეტმაღაზიის საშუალებით მოახდინონ.
სააგენტოს ვებგვერდზე ინფორმაციის განთავსების ღირებულება 1-ელ მარტამდე, სიმბოლურად ერთ ლარს შეადგენს.
დაინტერესებულმა პირებმა გასაყიდი ქონების შესახებ ინფორმაცია მომსახურების სააგენტოს ოფისში (გულუას ქ. # 4) უნდა წარადგინონ და შემდგომ თავად სააგენტო უზრუნველყოფს ინფორმაციის საიტზე განთავსებას.
სააგენტოს პროგრამისტები უკვე მუშაობენ სპეციალური პროგრამის დაწერაზე, რომელის მიხედვითაც უახლოეს ხანებში კერძო პირს ან სუბიექტს საკუთარი ე. წ. ინტერფეისი ექნება და გასაყიდი ქონების შესახებ ინფორმაციას ვებგვერდზე თავადვე განათავსებს.
მომსახურეობის სააგენტოს მოთხოვნის თანახმად, ინფორმაციის განთავსებიდან ერთი თვის ვადაში ინტერნეტაუქციონი უნდა დაინიშნოს. გასაყიდი ქონების ფასს თავად მფლობელი ადგენს და არა ექსპერტიზის ეროვნული ბიურო, როგორც ეს სახელმწიფო ქონების შეფასებისას ხდება.