გაერთიანების ერთ-ერთი ლიდერის გიორგი ხოკერაშვილის თქმით, მიწის რეგისტრაციის, პრივატიზებისა და მისი შენახვისთვის დაწესებული ახალი ტარიფების გადახდა სოფლის მოსახლეობას გაუჭირდება, რაც ამ სფეროსთვის სერიოზული ზიანის მომტანი იქნება.

"ხელისუფლება აცხადებს, რომ სოფლის მეურნეობა ეკონომიკის ერთერთი პრიორიტეტულია დარგია. სინამდვილეში კი, ამ სფეროში მდგომარეობის გასაუმჯობესებლად არაფერს აკეთებს. წლის დასაწყისიდან ძალაში შევიდა მთავრობის #394-ე დადგენილება, რომლითაც მიწაზე ქონების გადასახადის ახალი განაკვეთი დაწესდა. კერძოდ, სასოფლო-სამეურნეო მიწებზე გადასახადი სამჯერ და მეტადაც გაიზარდა. ამასთან, გაიზარდა მიწის რეგისტრაციის ღირებულებაც. 1 ჰექტარ სათიბებსა და საძოვრებზე 20 ლარია დაწესებული. სხვა სახის მიწებზე _ 50-დან 100 ლარამდე.
გარდა აღნიშნულისა, თვითმმართველობის ორგანოებს მიეცათ უფლება გადასახადი 1 ჰექტარზე 50-დან 150 ლარამდე გაზარდონ. თუ მიწის მფლობელი გადასახადს ვერ გადაიხდის, მიწა ჩამოერთმევა", - განმარტავს გიორგი ხოკერაშვილი.

აღნიშნულის კონტექსტში, პარტია მოუწოდებს ხელისუფლებას, შეცვალოს სოფლის მეურნეობის სექტორში გამკაცრებული საგადასახადო პოლიტიკა.