დემონსტრანტებმა ეგვიპტის ჩრდილოეთით, პორტ-საიდში, ქალაქის ადმინისტრაციის შენობა დაწვეს. რამდენიმე ათასმა ადამიანმა მთავრობის შენობა შტურმით აიღო, მათ ქვები, ბოთლები და ცეცხლოვანი ნივთები ისროლეს.
გავრცელებული ინფორმაციით, ამ ქალაქში არეულობა მას შემდეგ დაიწყო, რაც შეიტყვეს, რომ სამი ათასი მოქალაქის განცხადება მათი საყოფაცხოვრებო პირობების გაუმჯობესებასთან მიზნით ნაგვის კონტეინერში მოისროლეს.
სიტუაციაში არმია და პოლიციაც ჩაერთო. პორტ-საიდის გუბერნატორი მუსტაფა აბდელ ლატიფი დემონსტანტებთან გავიდა და მათ დაჰპირდა, რომ ყველა მათი მოთხოვნა მარტში მშენებლობის დასრულებისთანავე შესრულდებოდა.
