საქართველოს სტატისტიკის ეროვნულ სამსახურში მსოფლიო ბანკის პროექტის ფარგლებში სამუშაო ვიზიტით ექსპერტი იმყოფებოდა.
უცხოელმა ექსპერტმა საქსტატში ორი კვირის განმავლობაში იმუშავა და ეროვნული სტატისტიკის განვითარების სტრატეგიის პირველ ეტაპზე მუშაობა დაასრულა.
მსოფლიო ბანკის 280 000 აშშ დოლარის ღირებულების პროექტი რამდენიმე თვის წინ დამტკიცდა და მიზნად ისახავს საქართველოს სტატისტიკის ეროვნული სამსახურის საჭიროებების გამოვლენასა და ეროვნული სტატისტიკის განვითარების სტრატეგიის შემუშავებას.
პროექტი რამდენიმე ძირითადი კომპონენტისგან შედგება, ესენია: საჭიროებების შესაფასებლად არსებული მდგომარეობის დიაგნოსტირება; საქსტატის განვითარების გეგმის შემუშავება; მთლიანად საქართველოს სტატისტიკის სისტემის სტრატეგიული განვითარების გეგმის შედგენა.
