21 იანვრისთვის დაგეგმილ პირობებიან აუქციონზე, აჭარის ფინანსთა და ეკონომიკის სამინისტრო ხელვაჩაურში სოფელი მეჯინისწყალში მდებარე შენობა-ნაგებობასა და არასასოფლო სამეურნეო მიწის ნაკვეთს ყიდის. ობიექტის საწყისი ღირებულება 610 ათას ლარს შეადგენს. აუქციონის პირობების თანახმად, ინვესტორი ვაკლდებული ხდება 2012 წლის 25 დეკემბრამდე, სამშენებლო მასალების მწარმოებელი ქარხანა (ცემენტის წარმოება, ინერტიული მასალების გადამუშავება და ბეტონის ნაკეთობების დამზადება) შეიყვანოს ექსპლუატაციაში, სადაც არანაკლებ 1,5 მლნ. აშშ დოლარის ინვესტიცია უნდა განახორციელდეს. საწარმოში არანაკლებ 150 საქართველოს მოქალაქე უნდა დასაქმდეს. იმავდროულად, მყიდველი ვალდებულია საბოლოო საპრივატიზებო თანხის 30% პირობებიანი საჯარო აუქციონის ჩატარებიდან 30 კალენდარული დღის ვადაში, ხოლო დარჩენილი საბოლოო საპრივატიზებო თანხა 2011 წლის 25 დეკემბრამდე გადაიხადოს.
