აჭარის მთავრობა ხელვაჩაურში მდებარე შპს "მშენებელი 2000"-ის საწესდებო კაპიტალიდან გამოტანილი არმატურის საამქრო და არასასოფლო-სამეურნეო დანიშნულების მიწის ნაკვეთს ყიდის. აუქციონის პირობების თანახმად, მყიდველი ვალდებულია აუქციონის ჩატარებიდან 24 თვის განმავლობაში სამშენებლო ბლოკების საწარმო შეიყვანოს ექსპლუატაციაში, სადაც არანაკლებ 1 მლნ. 170 ათასი აშშ დოლარის ინვესტიციას განახორციელებს. ინვესტორი ვალდებულია ასევე საწარმოში მინიმუმ 10 ადგილობრივი მკვიდრი დაასაქმოს.
აჭარის ფინანსთა და ეკონომიკის სამინისტროს ინფორმაციით, შენობის ფართის სიდიდე 1759,5 კვ.მ-ია, ხოლო მიწის ფართის სიდიდე 9 514 კვმ; 544 კვ.მ.
პირობებიანი აუქციონი აჭარის ფინანსთა და ეკონომიკის სამინისტროში 21 იანვრისთვისაა დაგეგმილი და ობიექტის საწყისი ღირებულება 445 ათასი ლარია.
