ბათუმის მერიამ ქალაქის ტერიტორიაზე "გარე ვაჭრობის, ბაზრებისა და ბაზრობების რეგულირების წესები" განსაზღვრა, რომელსაც ბათუმის საკრებულო 8 თებერვლისათვის დაგეგმილ სხდომაზე დაამტკიცებს. ბათუმის მერიის ინფორმაციით, გარე ვაჭრობის ადგილები 2 წლის ვადით განისაზღვრება, ამ ან სეზონურად, მათ შორის კვირის კონკრეტული დღეებისათვის.
ქალაქის აღმასულებელი ორგანო უფლებამოსილია გარე ვაჭრობის ადგილებად განსაზღვროს ერთი ან რამოდენიმე ქუჩა იმდაგვარად, რომ აღნიშნულ ქუჩებში აიკრძალოს, ან ავტოსატრანსპორტო საშუალებების გადაადგილება შეიზღუდოს.
გარე ვაჭრობის ადგილების განსაზღვრისას გათვალისწინებული უნდა იქნას: ქალაქის განვითარების ინტერესები; მოსახლეობის სიმჭიდროვე; სატრანსპორტო ნაკადი; საზოგადოებრივი სივრცეების გამტარუნარიანობა; საგზაო მოძრაობის უსაფრთხოება; საგზაო მოძრაობის წესები და ეკოლოგიური მდგომარეობა.
ბათუმის მერიაში განმარტავენ, რომ დაუშვებელია გარე ვაჭრობისათვის განსაზღვრული იქნას ტროტუარის ტერიტორია ბორდიურიდან (ნაწიბურიდან) 0,75 მეტრ ნაკლებ მანძილზე ან გარე ვაჭრობისათვის განკუთვნილი ნივთი (ობიექტი) განთავსდეს ბორდიურიდან 0,75 მეტრის ნაკლებ მანძილზე.
მას შემდეგ რაც ბათუმის საკრებულო ქალაქის ტერიტორიაზე "გარე ვაჭრობის, ბაზრებისა და ბაზრობების რეგულირების წესებს" დაამტკიცებს, მეწარმე-სუბიექტის განცხადების საფუძველზე, მერია ვალდებულია განაცხადი 10 დღის ვადაში განიხილოს. თუმცა თუ 10 დღის ვადაში მეწარმემ მერიდიან პასუხი ვერ მიიღო, ასეთ შემთხვევაში გარე ვაჭრობის უფლების გადაცემაზე გადაწყვეტილება ითვლება მიღებულად. შესაბამისად, ამ პუნქტით დადგენილი ვადის დარღვევის შემთხვევაში ბათუმის მერიას უფლება არ აქვს უარი უთხრას დაინტერესებულ პირს გარე ვაჭრობის უფლების მიცემაზე, გარდა იმ შემთხვევისა, როცა აღნიშნულ ადგილზე გარე ვაჭრობის უფლება მიცემული აქვს სხვა პირს.