ბოლო 100 წლის განმავლობაში ჩვენთან სამი ისტორიული გზა აშენდა. განაცხადა საქართველოს პრეზიდენტმა მიხეილ სააკაშვილმა სტრატეგიული კვლევების ინსტიტუტში "ამერიკან ინტერპრაიზში" სიტყვით გამოსვლისას.
"საქართველოს სტრატეგიული მდებარეობა აქვს და ბოლო 100 წლის განმავლობაში ჩვენთან სამი ისტორიული გზა აშენდა. პირველი გზა რუსეთის იმპერიამ მაშინ ააშენა, როდესაც პირველად დაიპყრო საქართველო და მას რუსეთის სამხედრო გზას უწოდებენ. ეს გზა გათვლილი იყო კავკასიაში ჯარისკაცების შემოსაყვანად. მეორე გზა 70-იანი წლების ბოლოს აშენდა და ის ჩრდილო ოსეთს სამხრეთ ოსეთთან აკავშირებდა. ამ გზას არ ჰქონდა გადარჩენის შანსი რადგან ეკონომიკურად მომგებიანი არ იყო. თუმცა მას სიმბოლური დატვირთვა ჰქონდა - თუ საქართველო კვლავაც გამოაცხადებდა დამოუკიდებლობას მაშინ მისი ფუნქციაც აღდგებოდა. ზუსტად ასე მოხდა 2008 წელს, როცა რუსული ჯარები მთებში გაყვანილი ვიწყო გვირაბებით შემოვიდნენ საქართველოს ტერიტორიაზე", _ განაცხადა მიხეილ სააკაშვილმა სიტყვით გამოსვლის დროს და დასძინა, - "ასე რომ, ორი გზა გვყოფს ჩვენ, ორი გზა წყვეტს რეგიონებს ერთმანეთისაგან, ცივილიზებული სამყაროსგან. ეს გზები გვახშობს, რომ არ ვიყოთ თავისუფალი".
"თუმცა არსებობს მესამე გზაც, რომელიც ხელახლა აერთიანებს იმ რეგიონებს რომლებიც დიდი ხნის განმავლობაში მოწყვეტილი იყო ერთმანეთს და იმავდროულად დამცირებული და განუვითარებელი ქვეყნის სხვა ნაწილებთან ერთად. ეს ის გზაა რომლის მშენებლობაც 2005 წელს დავიწყეთ და ახლახანს დავასრულეთ. ვამაყობ, რომ ეს ოფიციალურად გამოვაცხადეთ გახსნილად", _ განაცხადა მიხეილ სააკაშვილმა.