მინდა სიამაყით ავღნიშნო, რომ ათასწლეული გამოწვევის კორპორაციის დახმარების პაკეტის პირველი ნაწილი აპრილში სრულდება. განაცხადა საქართველოს პრეზიდენტმა მიხეილ სააკაშვილმა სტრატეგიული კვლევების ინსტიტუტში "ამერიკან ინტერპრაიზში" სიტყვით გამოსვლისას.
"როდესაც ვარდების რევოლუციის შემდეგ ხელისუფლების სათავეში მოვედით ათასწლეული გამოწვევის კორპორაციის დახმარება მივიღეთ. პირველი რაც ჩვენ მათგან მოვითხოვეთ გზების მშენებლობა იყო რადგან ინფრასტრუქტურა სავალალო მდგომარეობაში გვქონდა", _ განაცხადა მიხეილ სააკაშვილმა და დასძინა, რომ - "მცირე პროექტების განხორციელებისათვის ეკონომიკური სესხის გზით ჩვენ ხელშეწყობა გვჭირდებოდა და ათასწლეულის გამოწვევების კორპორაციის დახმარება სწორედ ამას გულისხმობს".
"მინდა სიამაყით ავღნიშნო, რომ დახმარების პაკეტის პირველი ნაწილი აპრილში სრულდება. სხვა და სხვა პრიორიტეტებზე დაყრდნობით თითქმის 295 მილიონი აშშ დოლარი ჩაიდო ადგილობრივი ეკონომიკის განვითარებაში, სოფლის მეურნეობის პროექტებში, გზის მშენებლობაში, რომელიც დასახლებული ადგილებიდან მოშორებითაა თუმცა ძალზე დიდი პოლიტიკური და ეკონომიკური მნიშვნელობა აქვს", _ აცხადებს საქართველოს პრეზიდენტი.
შეგახსენებთ, რომ მიხეილ სააკაშვილი ვაშინგტონის ერთ-ერთი ყველაზე პრესტიჟულ და სტრატეგიული კვლევების ინსტიტუტს "ამერიკან ინტერპრაიზში" გამართულ კონფერენციას დაესწრო და სიტყვით გამოვიდა. დღეს საქართველოს პრეზიდენტი ცოტა ხნის წინ გარდაცვლილი დიპლომატის რიჩარდ ჰოლბრუკის მემორიალურ ცერემონიას დაესწრება, რომელიც თბილისის დროით ღამის პირველ საათზე დაიწყება. ამ ღონისძიებაში მონაწილეობას მიიღებენ აშშ-ს პრეზიდენტი ბარაკ ობამა და სხვა ქვეყნის ლიდერები.