საქართველოში ორ ფეხმძიმე ქალს H1N1 ვირუსი ლაბორატორიულად დაუდასტურდა.
ინფიცირებულთაგან ერთ-ერთი ქუთაისში, მეორე კი თბილისში განსაკუთრებული დაკვირვების ქვეშ მკურნალობენ. ექიმების განცხადებით, ნაყოფებს ჯერჯერობით საფრთხე არ ემუქრება.
ე.წ. ღორის გრიპი დაუდასტურდა მცირეწლოვან ბავშვსაც, რომელიც ამჯამად იაშვილის სახელობის კლინიკაშია მოთავსებული. მისი მდგომარეობა სტაბილურია.
საქართველოს წელს აღნიშნული ვირუსით დაინფიცირების ლაბორატორიულად დადასტურებული 8 შემთხვევაა დაფიქსირებული, აქედან 1 ლეტალურად დასრულდა. ჯანდაცვის სამინისტროში აცხადებენ, რომ პანდემიის საფრთხე არ არსებობს.