სკანდალურად დაშორებული დავით ბაგრატიონი და ანა ბაგრატიონ-გრუზინსკი შერიგდნენ.
როგორც "ჯი-ეიჩ-ენთან" საუბრისას მოძრაობა საქართველოს ისტორიული შთამომავლების, თავადაზნაურთა და მათ თანამდგომთა მეურვემ ია ბაგრატიონ-მუხრანელმა აღნიშნა, წყვილის შერიგების შესახებ მისთვის ცნობილი ჯერ კიდევ ახალ წლამდე გახდა.
"ამჟამად დავითი და ანა საზღვარგარეთ ცხოვრობენ. თუმცა, კონკრეტულად სად, ვერ დავაზუსტებ. რა თქმა უნდა, ისინი საქართველოში აპირებენ დაბრუნებას",_აღნიშნა ბაგრატიონმა.
მისი თქმით, ქორწინება და ჯვრისწერა, ესაა ორი ადამიანის პიროვნული გადაწყვეტილება და ორი ადამიანის ერთად ყოფნა სასიხარულოა.
"კიდევ ერთი ქართული ოჯახის შექმნა სასიხარულოა,"_აღნიშნა მან.
შეგახსენებთ, რომ სამეფო ოჯახის ორი შტოს_ბაგრატიონ-მუხრანელებისა და ბაგრატიონ-გრუზინსკების შთამომავლები დავით ბაგრატიონი და ანა ბაგრატიონ-გრუზინსკი 2009 წლის 8 თებერვალს სამების საკათედრო ტაძარში, დავით აღმაშენებლის ხსენების დღეს, დაქორწინდნენ.
მათ ქორწინებამდე საქართველოს კათალიკოს-პატრიარქი, უწმინდესი და უნეტარესი ილია მეორე მონარქიის აღდგენის იდეით გამოვიდა.
