ახლად ამოქმედრებულ საგადასახადო კოდექსში მთავრობას უკვე ცვლილებები შეაქვს. კანონპროექტის თანახმად, საგადასახადო ორგანოსათვის მიკუთვნებული გარკვეული უფლებების დელეგირება აღსრულების ეროვნული ბიუროზე, საჯარო რეესტრის ეროვნულ სააგენტოზე და სხვა იურიდიული პირებზე მოხდება.
კანონპროექტის თანახმად ირკვევა, რომ საგადასახადო ორგანოსა და აღსრულების ეროვნულ ბიუროს შორის დადებული ხელშეკრულების საფუძველზე, აღსრულების ეროვნულ ბიუროს შესაძლებლობა ეძლევა, საგადასახადო დავალიანების გადახდევინების უზრუნველყოფის მიზნით პირის ქონება აღწეროს, შეფასოს და ყადაღის აქტი შედგინოს. ეროვნულ ბიურის უფლება ექნება ასევე განახორციელოს დალუქვა, მალფუჭებადი ყადაღადადებული ქონების რეალიზაცია, გადასახადის გადამხდელისაგან ქონების ნუსხის თაობაზე ინფორმაციის გამოთხოვა. უწყება უფლებამოსილია ასევე ქონებაზე ყადაღის რეგისტრაციის მოთხოვნით მარეგისტრირებელ ორგანოს მიმართოს.
კანონპროექტის თანახმად ირკვევა, რომ მთავრობასთან შეთანხმებით დადებული ხელშეკრულების საფუძველზე, შემოსავლების სამსახურსა და იურიდიულ პირს შორის, შესაძლებელი გახდება საგადასახადო კანონმდებლობით საგადასახადო ორგანოს კომპეტენციას მიკუთვნებული გადასახადის გადამხდელთა მომსახურების ცალკეული სახეები განახორციელოს ამ იურიდიულმა პირმა, რისთვისაც საჭიროა საქართველოს მთავრობის თანხმობა.
იმავდროულად, შემოსავლების სამსახურსა და საჯარო რეესტრის ეროვნულ სააგენტოს შორის დადებული ხელშეკრულების საფუძველზე, შესაძლებელი გახდება, გადასახადის გადამხდელთა მომსახურების
ცალკეული სახეები საჯარო რეესტრის ეროვნულმა სააგენტომ განახორციელოს.
საგადასახადო კოდექსში შესატანი ცვლილებებით ირკვევა, რომ აღსრულების ეროვნულ ბიუროს და საჯარო რეესტრის ეროვნულ
სააგენტოს შემოსავლების სამსახურთან დადებული ხელშეკრულებით
გათვალისწინებული უფლებამოსილების განხორციელებისას მიეცემა
შესაძლებლობა საგადასახადო კოდექსით საგადასახადო საიდუმლოებას მიკუთვნებული, გადასახადის გადამხდელის შესახებ იდენტიფიცირებული ინფორმაცია მიიღოს.
მთავრობაში აცხადებენ, რომ აღნიშნული ცვლილების განხორციელების შემდეგ გადასახადის გადამხდელის ქონებაზე ყადაღის დადების პროცედურა უფრო ეფექტურად განხორციელება, გადასახადის გადამხდელთა მომსახურების ცალკეული სახეების შემჭიდროვებულ ვადებში წარმართება და მომსახურების ხარისხის გაუმჯობესება.
