დღეს, 6 იანვარს, ეკონომიკისა და მდგრადი განვითარების სამინისტროში სახელმწიფო საკუთრებაში არსებული 3 ობიექტის გასხვისება იგეგმება.
გასაყიდი ობიექტებია: თბილისში, მუხიანის დასახლების მე-4 მ/რ-სა და მუხიანის საცხოვრებელი რაიონის მიმდებარედ არსებული მიწის ნაკვეთი და მასზე განთავსებული 1 შენობა-ნაგებობა, საწყისი ფასით _ 130 ათასი ლარი.
იყიდება, ასევე, თბილისში, წინანდლის ქუჩა № 9-ში მდებარე შპს "აფთიაქი 64"-ის სახელმწიფო საკუთრებაში არსებული 100%-იანი წილი, საწყისი ფასით _ 120 000 ლარი;
აუქციონზე გავა თბილისში, წინანდლის ქუჩა№9-ში მდებარე არასასოფლო-სამეურნეო დანიშნულების მიწის ნაკვეთიც, საწყისი ფასით _ 41 000 ლარი.
საქართველოს ეკონომიკისა და მდგრადი განვითარების სამინისტროში აუქციონში მონაწილეობის თაობაზე განცხადებები მიმდინარე წლის 6 იანვრის ჩათვლით (6 იანვარს 13:00-მდე) მიიღება.