"შერატონის", "რედისონის", 'ჰაიატის" და "კემპინსკის" ბათუმში კიდევ ერთი სასტუმრო ბრენდი შედის. "ჯი-ეიჩ-ენის" ინფორმაციით, 2015 წლის ბოლომდე ბათუმში რიც-კარლტონის ბრენდის ხუთვარსკვლავიანი სასტუმრო აშენდება.
სასტუმრო კომპლექსს თურქულ-ქართული კომპანია " B&G GEORGIA ბათუმში, ზღვისპირა პარკის ტერიტორიაზე, ააშენებს.
სასტუმროს მშენებლობისათვის კომპანია დაახლოებით, 250 მლნ. დოლარის ინვესტირებას გეგმავს. სახელმწიფოსა და ინვესტორს შორის გაფორმებული ხელშეკრულების თანახმად, " B&G GEORGIA ზღვისპირა პარკის ტერიტორიაზე მდებარე 9805 კვმ მიწის ნაკვეთზე ააშენებს და ექსპლუატაციაში შეიყვანოს არანაკლებ 300 ნომრიანი ხუთ ვარსკვლავიანი სასტუმროს, სამორინეთი და შესაბამისი ინფრასტრუქტურით.
წინასწარი ინფორმაციით, სასტუმროს ოპერირებას სასტუმრო ქსელთა საერთაშორისო ოპერატორი რიც-კარლტონი the Ritz-Carlton hotel company განახორციელებს.
კომპანია " B&G GEORGIA ზღვისპირა პარკის ტერიტორიაზე მდებარე 9805 კვმ მიწის ნაკვეთი სიმბოლურ ფასად, ერთ ლარად შეიძინა.
ხელშეკრულების თანახმად, ინვესტორი ვალდებულია 2011 წლის 1-ელ მაისამდე დაიწყოს სასტუმრო კომპლექსის მშენებლობა, 2013 წლის 1-ელ მაისამდე დაასრულოს სასტუმროს კარკასის (ძირითადი მზიდი კონსტრუქცია სახურავის მოწყობის ჩათვლით), 2014 წლის 1 მაისამდე დაასრულოს სასტუმროს შენობის ფასადის მოპირკეთებითი სამუშაოები და სასტუმრო 2015 წლის 1-ელ იანვრამდე აამოქმედოს. სასტუმროში დასაქმებულ პირთა არანაკლებ 90%-ს უნდა საქართველოს მოქალაქეები უნდა იყვნენ.