საქართველოს პრეზიდენტმა მიხეილ სააკაშვილმა საჯარო ბიბლიოთეკაში გამოსვლისას ვარდების რევოლუციით მოსული ხელისუფლების მიღწევრებზე ისაუბრა. სააკაშვილის თქმით, რევოლუციით მოსულმა ხელისუფლებამ დაძლია კორუფცია, ენერგოკრიზისი და მექრთამეობა.
საქართველოს პრეზიდენტმა აღნიშნა, რომ ტრანსფარენტ ინტერნეიშენალის" მონაცემების მიხედვით, საქართველო არის ყველაზე წარმატებული ქვეყანა მსოფლიოში ბოლო 5 წლის განმავლობაში კორუფციასთან ბრძოლის კუთხით.
"6 წლის წინ საქართველო უსაზღვროდ კორუმპირებული სახელმწიფო იყო. არ იყო დენი, გაზი. ახლა მსოფლიო ბანკის რეიტინგით, ბიზნესის კეთების სიმარტივის თვალსაზრისით, მე-11 ადგიზლეა. ჩვენ 137-ზე ვიყავით, რუსეთი ახლა 132-ე ადგილზეა (შედარებისთვის). "ტრანსფარენტ ინტერნეიშენალის" ყველაზე მიუკერძოებელი და სანდო მმონაცემების მიხედვით არის ყველაზე წარმატებული ქვეყანა მსოფლიოში ბოლო 5 წლის განმავლობაში კორუფციასთან ბრძოლის კუთხით. ჩვენი მიღწევაა ის, რომ პოლიცია აღარ დგას ქუჩაში და არ იღებს ქრთამს. ეს პრობლემა რუსეთში ახლაც დგას და ეს მათთვის ბუნებრივი მოვლენაა. ევროკავშირში არის ქვეყნები, სადაც იგივე ორგანოები იღებენ ქრთამს. ჩვენ არ ვართ ევროკავშირის ქვეყანა, მაგრამ ჩვენ ეს პრობლემა აღარ გვაქვს", _ განაცხადა სააკაშვილმა.