პენსიის 100 დოლარამდე გაზრდის საკითხი მთავრობის დღის წესრიგში ისევ რჩება.
ფინანსთა მინისტრის განმარტებით, პენსია 100 დოლარის ეკვივალენტი აუცილებლად გახდება. მინისტრის თქმით, მთავრობის გეგმებში კორექტივება გლობალურმა ეკონომიკურმა კრიზისმა შეიტანა.
"2011 წელს ნარჩუნდება ყველა ის სოციალური ვალდებულება, რომელიც სახელმწიფოს გააჩნდა. 100 დოლარიანი პენსია მთავრობის დღის წესრიგში ისევ რჩება. ეს ის დანაპირებია, რომლის შესრულებასაც ვაპირებთ და მოსახლეობა 100 დოლარიან პენსიას აუცილებლად მიიღებს"- განაცხადა კახა ბაინდურაშვილმა.
