2011 წლის იანვრიდან კანონი "მიწების მელიორაციის შესახებ" ძალადაკარგულად გამოცხადდება.
ამის შესახებ კანონპროექტი აგრარულ საკითხთა კომიტეტის სხდომაზე დღეს, უკვე საბოლოო - მესამე მოსმენით განიხილეს.
აღნიშნული კანონპროექტის შესაბამისად, თებერვლამდე უნდა მოხდეს სამელიორაციო ასოციაციებისა და საძოვრების გაწყლოვანების სისტემათა ასოციაციების ლიკვიდაცია.
პარლამენტის წევრის, კორნელი კუკულავას განცხადებით, მოქმედი კანონმდებლობის შესაბამისად, სამელიორაციო ასოციაციები სასოფლო-სამეურნეო მიწის მფლობელთათვის გარკვეულ ბარიერად იქცა და დღის წესრიგში მათი ლიკვიდაციის საკითხი დადგა. სწორედ ამ მიზნით მომზადდა კანონპროექტი.