2011 წელს წყალკანალიზაციის სისტემის რეაბილიტაციაზე 109 მილიონი ლარი დაიხარჯება.
"თუ 2008 წელს ჩვენ 12 მლნ ლარი დავხარჯეთ წყალკანალიზაციის სისტემის რეაბილიტაციაზე, 2011-ში ამ მიმართულებით 109 მლნ ლარი დაიხარჯება. 2-3 წელიწადში, საქართველოს ყველა იმ რეგიონში, სადაც წყლის მიწოდების პრობლემა არსებობს, ერთხელ და სამუდამოდ გადაიჭრება", - განაცხადა ფინანსთა მინისტრმა კახა ბაინდურაშვილმა პარლამენტის დღევანდელ სესიაზე.
მისივე თქმით, საქართველოს წყალკანალიზაციის სისტემის რეაბილიტაციის პროექტი აზიის განვითარების ბანკისა და შეღავათიანი სესხით ფინანსდება, რისთვისაც ჯამში 300 მლნ ლარის მობილიზება მოხდა.
