"მთავარი მესიჯი, რომელიც ბიზნესმა გააჟღერა, იყო შემდეგი - ,,მხარი დაგვიჭიროს მთავრობამ'', მე მიაჩნია ამ ეტაპზე უფრო აქტუალურია - ,,ხელი არ შეგვიშალოს მთავრობამ'', რადგან ბიზნესი საკუთარი ინიციატივით უფრო ეფექტურად უზრუნველყოფს განვითარებას. მკაცრი ადმინისტრირება, ბევრი დოკუმენტაციის წარმოება და შემოსავლების სამსახურთან ურთიერთობაში საჭირო დრო, ჯარიმები მიმაჩნია ბიზნეს-გარემოს განვითარების მთავარ შემაფერხებელ ფაქტორად",- განაცხადა სააგენტო "ჯი-ეიჩ-ენთან" საუბრისას ექსპერტმა ეკონომიკის საკითხებში ირაკლი ლექვინაძემ ბიზნესსექტორისა და ეკონომიკისა და მდგრადი განვითარების მინისტრის შეხვედრის შეფასებისას.
ლექვინაძის თქმით, სახელმწიფომ სამიზნე ბაზრებზე აქტიური კამპანია უნდა გააჩაღოს და ბიზნესფორუმების მოწყობის ინტესიურობა გაზარდოს.
"სახელმწიფოს მხარდაჭერა შეიძლება მოხდეს აქტიური საინვესტიციო ფორუმების მოწყობით ქვეყნის შიგნით და ქვეყნის გარეთ, ქვეყნის პოზიციონირებით და ბრენდირებით უცხოეთში, როგორც სტაბილური და კარგი ბიზნეს გარემოს მქონე ქვეყანა, პოლიტიკური და მაკროეკონომიკური სტაბილურობის უზრუნველყობით, საგადასახადო და საბაჟო კანონმდებლობის კიდევ უფრო ლიბერალიზაციით, მსოფლიოს სხვადასხვა ქვეყნებთან თავისუფალი ან უპირატესი სავაჭრო რეჟიმებნის შექმნით",- აცხადებს ექსპერტი.
შეგახსენებთ, რომ ბიზნესსექტორმა სახელმწიფოს საერთაშორისო ინვესტორების მოზიდვაში ჩართვა სთხოვა. 15 დეკემბერს "ბიზნეს ასოციაციის" წევრები ეკონომიკისა და მდგრადი განვითარების მინისტრს 1,4 საათის განმავლობაში ესაუბრებოდნენ და ვერა ქობალიას საკუთარ პრობლემებს და იდეებს აცნობდნენ.
"ბიზნესასოციაცის" პრეზიდენტი გიორგი ჭირაქაძე ამბობს, რომ ასოციაცია ადგილობრივი ბიზნესისათვის ერთგვარი ბაზა უნდა გახდეს, რომელიც ქართულ მსხვილ ბიზნეს საერთაშორისო ინვესტორებთან დააკავშირებს.
"მინისტრთან ჩვენ ვისაუბრეთ, თუ როგორ შეიძლება ადგილობრივი ბიზნესი ჩაერთოს იმ საერთაშორისო ინვესტიციების მოზიდვაში, რაზეც მუშაობა სერიოზულად მიდის. სახელმწიფომ და ადგილობრივმა ბიზნესმა ერთობლივად უნდა ვიმუშაოთ, რათა საერთაშორისო ინვესტორები მოვიცვათ. როდესაც მთავრობის წევრები სხავადასხვა ქეყნებში დადიან და იქ გარკვეული ინვესტორები ქვეყანაში ინვესტირების სურვილს გამოთქვამენ, ჩვენ ასოციაცია ამ ინვესტორებისთვის უნდა ვიყოთ ბაზა, რათა ქართველი მსხვილი ბიზნესმენები უცხოელ ინვესტრებთან დავაკავშიროთ, რათა მათ სწორი პარტნიორი იპოვონ. ძალიან ხშირად პრობლემა ჩნდება იმით, რომ ბიზნესი სწორ პარტნიორს ვერ პოულობს", _ აცხადებს გიორგი ჭირაქაძე.
ბიზნესსექტორთან შეხვედრით კმაყოფილია ეკონომიკისა და მდგრადი განვითარების მინისტრიც, რომელიც ამბობს, რომ ბიზნესის წარმომადგენლებთან ერთად სამინისტროს ერთობლივ ჯგუფს შექმნის, რომელიც ბიზნესი პრობლემების მოგვარებაზე იქნება ორიენტირებული.
"მნიშვნელოვანია, რომ ასეთი შეხვედრები გაგრძელდეს, რათა ბიზნესს გავაცნოთ ის ვალდებულები, რასაც 2011 წლისთვის ავიღებთ. ბიზნესთან შეხვედრაზე მოვისმინეთ მათი პრობლემები და გავეცანით მათ იდეებს. შევთანხმდით, რომ შეიქმნება ერთობლივი ჯგუფი სამინისტროს, საინვესტიციო სააგენტოსა და "ბიზნეს ასოციაციას" შორის, სადაც ბიზნესის წინაშე არსებული პრობლემების განხილვა მოხდება",- აცხადებს ვერა ქობალია.
მინისტრის თქმით, ბიზნესთან შეთანხმებით, უახლოეს პერიოდში, ქართული საექსპორტო პროდუქციის კატალოგი შეიქმნება, რომელიც საზღვარგარეთ დაინტერესებულ ინვესტორებსა და პარტნიორებს წარედგინება.
"ბიზნესასოციაციამ" ეკონომიკის მინისტრისგან პრივატიზაციის პროცეში ჩართულობაც ითხოვა. როგორც ასოციაციის პრეზიდენტი გიორგი ჭირაქაძე ამბობს, სახელმწიფოსა და ბიზნეს შორის "ოქროს შუალედი" უნდა გამოიძებნოს, რათა შენაძენით ბიზნესი კმაყოფილი იყოს და სახელმწიფომაც ამ ტრანზაქციით შემოსავალი მიიღოს.
"მინისტრთან ჩვენ პრივატიზაციის პროცესში ადგილობრივი ბიზნესმენები მარტივად ჩართულობა ვითხოვეთ. სხვადასხვა ობიექტებთან მიმართებაში სახელმწიფოსა და ადგილობრივ ბიზნეს შორის კომუნიკაცია უფრო მარტივად უნდა შედგეს. ჩვენი შეთავაზებაა, რომ როდესაც სახელმწიფოს კონკრეტული ობიექტების გამოტანა უნდა გასაყიდად, ჩვენ ვიყოთ რაღაცნაირად ხიდი რათა ზოგადად ბიზნესმა ამ ობიექტების შესახებ ამომწურავი და დეტალური ინფორმაცია მიიღოს. ასეთი ინფორმაციის შემთხვევაში კი ბიზნესი შეძებს სწორად ელაპარაკოს სახელმწიფოს ამა თუ იმ ობიექტთან მიმართებაში. ბიზნესი დაინტერესებულია, რომ ობიექტი კარგი პირობებით იყიდოს", _ აცხადებს გიორგი ჭირაქაძე.
ასოციაციის პრეზიდენტი აცხადებს, რომ ეკონომიკურმა კრიზისმა ბიზნესს უძრავ ქონებაზე ინტერესი გარკვეულწილად დააკარგვინა, მაგრამ არის რაღაც შუალედური ფასი რასაც ბიზნესი გადაიხდის და ამ შენობას შეიძენს.
"არის ობიექტის ღირებულება, რაზეც იაფად მთავრობა ობიექტს არ გაყიდის, აქ საუბარია შუალედის მოძებნაზე, რათა საბოლოოდ ბიზნესიც კმაყოფილი დარჩეს და სახელმწიფოც. ჩემი აზრით, სახელმწიფო უნდა იყოს დაინტერესებლი იმით, რომ ობიექტი იმ ფასად გაყიდოს და ბიზნესმენი მიიჩნევდეს რომ მან ეს ობიექტი კარგ ფასად იყიდა, ვიდრე ეს ობიექტი საერთოდ არ გაყიდოს", _ აცხადებს გიორგი ჭირაქაძე.
ეკონომიკისა და მდგრადი განვითარების მინისტრი კი ამბობს, რომ ბიზნეს პრივატზაციის პროცესში ჩართულობა კიდევ უფრო გაუმარტივდება, რადგანაც 2011 ონლაინ აუქციონების სისტემა ამოქმედდება და ბიზესი ამა თუ იმ ობიეტის შეძენას გამარტივებული ფორმებით შეძებს.
"ბიზნესასოციაციაში" ამბობენ, რომ გატარებული რეფორმების მიუხედავად ბზინეს მაინც ბევრი პრობლემა შემორჩა.
"ბიზნეს პრობლემები აქვს და ამის შესახებ საქართველოს პრეზიდენტმა ღიადაც განაცხადა. თუმცა მჯერა, რომ ამ პრობლემების გადაწყვეტის გზებზე მუშაობა შესაძლებელია. ამ მიმართულებით მუშაობა საჭიროა როგორც ეკონომიკისა და მდგრადი განვითარების სამინისტროსთან, ასევე სხვა უწყებებთანაც", _ აცხადებს ჭირაქაძე.