საქართველოს პრემიერ-მინისტრმა ნიკა გილაურმა "პატიოსანი გადამხდელის სერტიფიკატით" 5 ქართული კომპანია დააჯილდოვა.
ეს კომპანიებია: შპს "შარავანდი"; შპს "ფეშენ ჰაუზი", შპს "ხაშმი", შპს "დაგი-777" და ი/მ "ტარიელ გოგიტიძე".
აღნიშნული კომპანიების დაჯილდოვება კარგმა საგადასახადო ისტორიამ განაპირობა. ესაა პირველი შემთხვევა, როდესაც მთავრობა ბიზნესს თანამშრლობისთვის ასეთი ფორმით აჯილდოვებს.
როგორც პრემიერმა გილაურმა დაჯილდოვებისას განაცხადა, ასეთი გადამხდელების მიერ გადახდილი გადასახადები საზოგადოების ყველაზე პრიორიტეტულ და სასიცოცხლო მნიშვნელობის პროგრამებს ხმარდება.
"ესეთი დაჯილდოვებები ყოველ სამ ან ექვს თვეში მოხდება. ამ კომპანიებს არანაირი დარღვევა არ ქონდათ გადასახადებთან დაკავშირებით. ეს კომპანიები სახელმწიფოსგან დიდ ნდობითა და მეტი პრივილეგიებით ისარგებლებენ", - განაცხადა ნიკა გილაურმა.
"პატიოსანი გადამხდელის სერტიფიკატის" მქონე კომპანია მოხვდება ფინანსთა სამინისტროს შემოსავლების სამსახურის მონაცემთა ერთიან ბაზაში, ასევე დაბალი რისკის მქონე კომპანიების სიაში.