თბილისის ელექტროგამანაწილებელმა კომპანია "თელასმა" 25 მილიონი დოლარის კრედიტი ევროპის რეკონსტრუქციისა და განვითარების ბანკისგან მიიღო. ეს თანხა თბილისის დაბალი ძაბვის გამანაწილებელი ქსელის რეაბილიტაციას მოხმარდება. შესაბამის ხელშეკრულებას 15 დეკემბერს „თელასის" გენერალურმა დირექტორმა იური პიმონოვმა და EBღD-ის დირექტორმა ელექტროენერგიისა და ენერგეტიკის დარგში ნადიტა პარშადმა ხელი მოაწერეს.
კრედიტი „თელასს" საშუალო და დაბალი ძაბვის ქვესადგურების და ქსელის გაფართოება-რეაბილიტაციის სამუშაოების დასაფინანსებლად გამოეყო. Kკრედიტი აგრეთვე მოხმარდება ელექტროენერგიის კომერციული აღრიცხვის ავტომატიზებული სისტემის დანერგვას, რაც „თელასს" ქსელის დისტანციური მონიტორინგის განხორციელების საშუალებას მისცემს.
საინვესტიციო პროექტების რეალიზება `თელასს" აბონენტების ენერგომომარაგების საიმედოობის გაზრდისა და საბოლოო მომხმარებლებისთვის ელექტროენერგიის მიწოდების ხარისხის გააუმჯობესების საშუალებას მისცემს.
„ეს სესხი დაეხმარება „თელასს" მნიშვნელოვნად გააუმჯობესოს ოპერაციული და ფინანსური მაჩვენებლები, დააკმაყოფილოს საინვესტიციო ვალდებულებები მოსახლეობისთვის უკეთესი მომსახურების გაწევის გზით" - განაცხადა „თელასის" გენერალურმა დირექტორმა იური პიმონოვმა.
"ეს პროექტი უფრო გააღრმავებს ჩვენს ურთიერთობას "ინტერ რაოსთან". "თელასის" პროექტი ენერგოეფექტურობის გაზრდას ემსახურება. Dდანაკარგების შემცირება და მომსახურების ხარისხის გაზრდა მომგებიანია, როგორც გამანაწილებელი კომპანიის, ისე მისი მომხმარებლებისათვის, საყოფაცხოვრებო თუ ბიზნეს სექტორებიდან" - განაცხადა EB ევროპის რეკონსტრუქციისა და განვითარების ბანკის დირექტორმა ელექტროენერგიისა და ენერგეტიკის დარგში ნადიტა პარშადმა.
შეგახსენებთ, რომ სს `თელასი", საქართველოში მოქმედი ერთ-ერთი უმსხვილესი სადისტრიბუციო ენერგოკომპანიაა, რომელიც ელექტროენერგიის განაწილებასა და გაყიდვას ახორციელებს. კომპანია თბილისისა და მისი შემოგარენის სოფლების 454 ათას აბონენტს ემსახურება. ღსს `ინტერ რაო ეეს-ის" ჯგუფში `თელასი" 2003 წლიდან შედის.
"ინტერ რაო ეესი" კი არის დინამიურად განვითარებადი ელექტროენერგეტიკული კომპანია, რომელიც რუსეთსა და მის ფარგლებს გარეთ გენერაციისა და განაწილების მთელ რიგ ენერგეტილულ აქტივებს აკონტროლებს. "ინტერ რაო ეესის" მფლობელობაში და მართვის ქვეშ მყოფი ელექტროსადგურების ჯამური დადგმული სიმძლავრე 18 ათას მეგავატს შეადგენს. თავისი მოღვაწეობის არეალში კომპანია აქტიურ საინვესტიციო პოლიტიკას ეწევა. ელექტროენერგიის ექსპორტ-იმპორტის მხრივ ჰოლდინგი რუსეთის მასშტაბით წამყვან პოზიციაზე დომინირებს.
