ლაგოდეხის რაიონში საქართველოს ენერგეტიკის მინისტრის ალექსანდრე ხეთაგურის ვიზიტი გადაიდო.
როგორც კახეთის ენერგოდისტრიბუციაში აცხადებენ, ვიზიტის გადადება უკავშირდება მთავრობის გასვლით სხდომას, რომელიც დღეს ქუთაისშია დაგეგმილი.
დღეს ენერგეტიკის მინისტრი ალექსანდრე ხეთაგური ლაგოდეხის რაიონის ორ სოფელში - შრომასა და კავშირში მიმდინარე ინდივიდუალური გამრიცხველიანების სამუშაოების დასრულების პროცესს უნდა დასწრებოდა.
აღნიშნულ სოფლებში ძველი ამორტიზებული მრიცხველების ახალი თანამედროვე ტიპის ევროპული მრიცხველებით შეცვლასთან ერთად ქსელის რეაბილიტაცია და დაზიანებული საყრდენების ამოცვლა განახორციელა.
