პარლამენტში, ანტიკრიზისული საბჭოს სხდომაზე, ეკონომიკისა და მდგრადი განვითარების მინისტრი ვერა ქობალია, საბჭოს წევრებთან ერთად, საქართველოს მდგრადი განვითარების ეროვნული სტრატეგიის შემუშავებაზე იმსჯელებს.
როგორც სხდომის დაწყების წინ ვერა ქობალიამ განაცხადა, სტრატეგიასთან მიმართებაში დეპუტატებს აქვთ გარკვეული შენიშვნები, რომელთა გათვალისწინებასაც სამინისტრო აპირებს.
"დღევანდელი შეხვედრა იქნება ძალიან საინტერესო, რადგან საბჭოს წევრებთან ერთად უნდა ვიმსჯელოთ მდგრადი განვითარების სტრატეგიაზე. ჩენი მთავარი ამოცანაა, რომ მდგრადი განვითარების სტრატეგია დაიწეროს, რაშიც ეკონომიკისა და მდგრადი განვითარების სამინისტოსთან ერთად გარემოს დაცვის სამინისტრო და სხვა სამინისტოებიც უნდა ჩაერთონ", - განაცხადა ვერა ქობალიამ.
მინისტრის თქმით, სტრატეგიაში ასახული იქნება ასევე ქართული პროდუქციის საექსპორტო პოტენციალი და მაქსიმალურად იქნება გათვალისწინებული ჰიდროენერგეტიკა.
"სტრატეგიაში შევა, როგორც ორგანული, ასევე ნატურალური პროდუქცის გატანა ექსპორტზე ევროპასა და ამერიკაში. ასევე იქნება ჩართული ალტერნატიული რესურსების მოპოვება. როგორც იცით, საქართველოს ჰიდროენერგეტიკის მხრივ დიდი პოტენციალი გააჩნია და შეგვიძლია ასევე სხვა რესურსებიც გამოვიყენოთ", - განცხადა ვერა ქობალიამ.
