საქართველოს იუსტიციის სამინისტროსადმი დაქვემდებარებული ტერიტორიული სამსახურები ჩოხატაურში ერთ შენობაში - განთავსდა. სამოქალაქო და საჯარო რეესტრების, აღსრულების ეროვნული ბიუროსა და ეროვნული არქივის მომსახურებას მოქალაქეები `ერთი ფანჯრის~ პრინციპით ერთ მისამართზე - დუმბაძის #2-ში მიიღებენ.
ახალგარემონტებული, თანამედროვე სტანდარტებით აღჭურვილი ოფისის გახსნას იუსტიციის მინისტრის მოადგილე გიორგი ვაშაძე, სამოქალაქო რეესტრის თავმჯდომარის მოადგილე ლაშა ციმაკურიძე, საჯარო რეესტრის ეროვნული სააგენტოს თავმჯდომარე სოსო წიქარიშვილი და ადგილობრივი თვითმმართვეკიბის წარმომადგენლები დაესწრნენ.
გიორგი ვაშაძის განცხადებით, დღეიდან ჩოხატაურის რაიონის მოსახლეობას გაუადვილდება იუსტიციის სამინისტროსადმი დაქვედებარებულ უწყებებთან ურთიერთობა.
მისი თქმით, მოქალაქეებს შესაძლებლობა მიეცა, ერთსა და იმავე შენობაში მიიღოს დაბადების, ქორწინების, პირადობის მოწმობები, პასპორტი; დაარეგისტრიროს უძრავი ქონება, აღსასრულებლად წარადგინოს სასამართლოს გადაწყვეტილებები და ა.შ.
სამსახურები აღიჭურვა თანამედროვე კომპიუტერული ტექნიკით, საოფისე ინვენტარით, ინტრანეტით და ინტერნეტით.
გვაქვს პატივი მოგიწვიოთ აღნიშნულ შეხვედრაზე.