ჯანმრთელობის დაცვის შესახებ კანონში ტვინის სიკვდილის შესახებ განმარტება ემატება.
აღნიშნულთან დაკავშირებით ცვლილება შედის ჯანმრთელობის დაცვის შესახებ კანონში, რომლის მიხედვითაც ტვინის სიკვდილი შესახებ განმარტება შემდეგი რედაქციით ჩამოყალიბდა.
ტვინის სიკვდილი - თავის ტვინის და ზურგის ტვინის ზედა საგმენტების ფუნქციების სურლი და შეუქცევადი შეწყვეტა, სუნთქვისა და სისხლის მიმოქცევის სპეციალური საშუალებებით შენარჩუნების ფონზე.
ამავე კანონპროექტში საუბარია ცოცხალი დონორის ორგანოების გამოყენებაზე, სხვა ადამიანების სამკურნალოდ.
საკანონმდებლო ინიციატივის თანახმად ცოცხალი დონორის ორგანოების სამკურნალოდ ან გადასანერგად გამოყენება დასაშვებია მხოლოდ იმ შემთხვევაში, თუ ცოცხალი დონორი
არის პაციენტის გენეტიკური ნათესავი. გარდა ნათესავისა, თუ დონორი არის პაციენტის მეუღლე, (თუ ქორწინების რეგისტრაციიდან გასულია არანაკლებ ერთი წელი), პაციენტის მეუღლის შვილი, პაციენტის მეუღლის დედა, პაციენტის მეუღლის მამა, პაციენტის მეუღლის შვილიშვილი, პაციენტის მეუღლის ბებია, პაციენტის მეუღლის ბაბუა, პაციენტის მეუღლის და, პაციენტის მეუღლის ძმა (თუ ქორწინების რეგისტრაციიდან გასულია არანაკლებ ორი წელი).
ასევე საუბარია საქართველოს ან უცხო ქვეყნის მოქალაქის ან მოქალაქეობის არმქონე პირის, რომელმაც განათლება ან დამოუკიდებელი სამედიცინო საქმიანობის უფლება საზღვარგარეთ მიიღო, საქართველოში საქმიანობის განხორციელებაზე.
საქმიანობა შეეძლება მხოლოდ საგანმანათლებლო დოკუმენტის აღიარების ან დამოუკიდებელი საქმიანობის უფლების მოპოვების შემდეგ.
უცხო ქვეყნის საგანმანათლებლო დოკუმენტის აღიარება ხორციელდება საქართველოს კანონმდებლობის შესაბამისად.
ამავე კანონპროექტის თანახმად, სამედიცინო დაწესებულების ან ჯანმრთელობის დაცვის პერსონალის მიერ პროფესიული მოვალეობის აღსრულებისას ჯანმრთელობის დაცვის შესახებ კანონით დადგენილი ინტერესთა შეუთავსებლობის ნორმების დარღვევა გამოიწვევს სამედიცინო დაწესებულების ან ჯანმრთელობის დაცვის პერსონალის ათასი ლარით ოდენობით დაჯარიმებას. იგივე ქმედების განმეორების შემთხვევაში კი 2 ათასი ლარით დაჯარიმებას.
ჯანმრთლეობის დაცვის შესახებ კანონში ცვლილებებისა და დამატებების შესახებ კანონპროექტი დღეს ჯანდაცვის კომიტეტის სხდომაზე განიხილეს.