ქართველ მეტყევეებსა და დაცული ტერიტორიების რეინჯერებს პოლონეთის მთავრობა გადაამზადებს.
შესაბამისი გადაწყვეტილება გარემოს დაცვის სამინისტროში, უწყების ხელმძღვანელ გოგა ხაჩიძესა და პოლონეთის საგარეო საქმეთა ვიცე-მინისტრს შორის გამართულ შეხვედრაზე იქნა მიღებული.
ამავე შეხვედრაზე დაკონკრეტდა, რომ ქართველი მეტყევეების გადამზადებისთვის შეიქმნება სპეციალური ცენტრი.
"პოლონურ მხარესთან მიმდინარეობს მოლაპარაკება (ეს პროცესი დასასრულისკენ მიდის) იმასთან დაკავშირებით, რომ მან დააფინანსოს სასწავლო ცენტრის შექმნა, სადაც თანამედროვე ტექნოლოგიების ათვისების კუთხით მეტყევეებისა და დაცული ტერიტორიების რეინჯერების გადამზადება მოხდება. ეს ძალიან წაადგება იმ საქმეს, რომ ჩვენი ტყეები უკეთესად იყოს დაცული", - განუცხადა ხაჩიძემ ჟურნალისტებს შეხვედრის დასრულების შემდეგ.
აღსანიშნავია, რომ პოლონეთის საგარეო საქმეთა ვიცე-მინისტრი კრიშტოფ სტანუსი თბილისში ოფიციალური ვიზიტით იმყოფება.
