"ჰიოგოს სამოქმედო ჩარჩო-პროგრამა და კატასტროფის რისკის შემცირება განათლების სისტემაში" თემაზე დღეს კონფერენცია გაიმართება.
გაეროს ბავშვთა ფონდის საზოფაგოებასთან ურთიერთობის სამსახურის ცნობით, კონფერენციაზე მონაწილეებს გააცნობენ ჰიოგოს სამოქმედო ჩარჩო-პროგრამას (2005-2015).
პროგრამა მიზნად ისახავს ხუთ პრიორიტეტულ სამოქმედო არეალს, ქვეყნებსა და თემებს შორის კატასტროფების მიმართ გამძლეობისა და მდგრადობის დამკვიდრების მიზნით.
კონფერენციაზე გამახვილდება ყურადღება განათლების სფეროში კატასტროფის რისკის შემცირების საკითხების ინტეგრირების აუცილებლობაზე, როგორც ჰიოგოს სამოქმედო ჩარჩო-პროგრამის ერთ-ერთ ძირითად კომპონენტზე.
კონფერენციის მიზანია, ასევე უზრუნველყოს მონაწილეთა კატასტროფისადმი მზადყოფნის საკითხებისადმი მიძღვნილ დებატებში ჩართვა და შესაბამისი რეკომენდაციების შემუშავება;
ასევე, ხელი შეუწყოს საქართველოში კატასტროფის რისკის შემცირების კუთხით შემუშავებული სამთავრობო სტრატეგიების განხორციელებას, რაც მოიცავს კატასტროფის რისკის შემცირების კომპონენტის ინტეგრირებას საგანმანათლებლო პროცესისა და სასწავლო გეგმების განვითარებაში.
კონფერენციას გახსნის გაერო-ს ბავშვთა ფონდის წარმომადგენლის მოადგილე ბენჯამინ პერკსი, ევროკომისიის ჰუმანიტარული მისიის პროგრამის ოფიცერი ქეთევან ლომსაძე, საქართველოს განათლებისა და მეცნიერების სამინისტროს ზოგადი განათლების განვითარების სამმართველოს უფროსი ანა ქებაძე, საქართველოს შინაგან საქმეთა სამინისტროს საგანგებო სიტუაციების მართვის დეპარტამენტის სამოქალაქო უსაფრთხოების სამმართველოს უფროსი ჯემალ კოლაშვილი.
კონფერენცია ევროპის კომისიის ჰუმანიტარული მისიის მიერ დაფინანსებული პროექტის "კატასტროფის რისკის შემცირების მხარდაჭერა სამხრეთ კავკასიის დაუცველ თემებსა და ინსტიტუციებს შორის" ფარგლებში ტარდება.
ღონისძიება სასტუმრო სასტუმრო "რედისონში" გაიმართება.