ტურიზმის ეროვნულ სააგენტოსა და ეროვნულ კინოცენტრს შორის თანამშრომლობის მემორანდუმი გაფორმდა. მემორანდუმს ხელი მოაწერეს ტურიზმის ეროვნული სააგენტოს თავმჯდომარემ მაია სიდამონიძემ და ეროვნული კინოცენტრის დირექტორმა თამარ ტატიშვილმა.
თანამშრომლობა გულისხმობს ამ ორი უწყების მიერ ქვეყნის ერთობლივ პოპულარიზაციას საზღვრებს გარეთ (ქვეყნის ერთობილივ წარდგენას სხვადასხვა კინოფესტივალსა თუ ტურისტულ გამოფენაზე), ტურისტების და ინვესტორების მოზიდვას საქართველოში, რაც კინოტურიზმის განვითარებას შეუწყობს ხელს.
კინოტურიზმი მსოფლიოში ახალი წამოწყებაა და დიდი პოპულარობით სარგებლობს, ის გულისხმობს კინოსექტორის წარმომადგენლების ქვეყანაში მოზიდვას კინოწარმოების მიზნით, ასევე რიგითი კინომოყვარულებისთვის სპეციალური კინოტურების მოწყობას.
მსოფლიოში კინოსა და ტურიზმის თანამშრომლობა დიდი წარმატებით სარგებლობს.
ტურიზმის ეროვნული სააგენტო და ეროვნული კინოცენტრი არაერთ ახალ ერთობლივ პროექტზე იმუშავებენ. ცალკეული პროექტების განხორციელება 2011 წლის დასაწყისიდან იგეგმება.